Description

ବିଗତ ଦୁଇ ଦଶନ୍ଧି ଧରି ଓଡିଆ କାଵ୍ୟ ଜଗତରେ କ୍ରିୟାଶୀଳ କବି ପ୍ରମୋଦ ମଲ୍ଲିକଙ୍କ ପ୍ରଥମ କବିତା ସଂକଳନ “ମାୟାମୁହାଣ”। ମଣିଷ ଜୀବନର ହର୍ଷ-ବିଷାଦ,ସ୍ନେହ-ଘୃଣା,ମିଳନ-ବିରହ,ମୋହ-ତ୍ୟାଗ,ବିଶ୍ବାସ-ପ୍ରବଞ୍ଚନା,ରୋଗ-ଭୋଗ ଓ ଶ୍ରମ-ଶାସ୍ତିର କାବ୍ୟସ୍ବରକୁ ନେଇ “ମାୟାମୁହାଣ” ସଂକଳନ ଗତିଶୀଳ। ସମକାଳର ଗଦ୍ୟଧର୍ମୀ,ଛନ୍ଦହୀନ କବିତା ପରିବର୍ତ୍ତେ ପ୍ରମୋଦ ଆବେଗକୁ ଶୃଙ୍ଖଳଟିଏ ପିନ୍ଧାଇ ଗଢିଛନ୍ତି “ମାୟାମୁହାଣ”ର କଳେବର। ବେଶ୍ ପାଠକୀୟ ପ୍ରଶଂସା ପାଇଥିବା ପ୍ରମୋଦଙ୍କ କବିତା ମାନଙ୍କର ଏହି ଏକକ ସଂକଳନ “ମାୟାମୁହାଣ”ନିଶ୍ଚିତ ପାଠକୀୟ ଆଦୃତି ଲାଭ କରିବ।