Kabita Kalpa

Description

କବି ପ୍ରତିଭା ଶତପଥି ଓଡ଼ିଆ କାବ୍ୟଜଗତର ଏକ ଯଶସ୍ବୀ ପ୍ରତିଭା I ନିଜର କାବ୍ୟକୃତି ପାଇଁ ସେ ସାହିତ୍ୟ ଏକାଡେମୀ, ସାରଳା ପୁରସ୍କାର, ମଧ୍ୟ ପ୍ରଦେଶ ସରକାରଙ୍କ ଦ୍ୱାରା ରାଷ୍ଟ୍ରୀୟ କବି ସମ୍ମାନ ଏବଂ ଅନ୍ୟ ଅନେକ ସମ୍ମାନରେ ସମ୍ମାନିତ I ତାଙ୍କ କବିତା ଗୁଡିକରେ ଅନ୍ତରଙ୍ଗତା, ଶ୍ଲେଷ, ଧୀଶକ୍ତି, ଗଭୀରତା, କାବ୍ୟିକ ମୄଦୁସ୍ପର୍ଶ ଏବଂ ଅନ୍ତର୍ନିହିତ ସମ୍ବେଦନଶୀଳତା ଅତ୍ୟନ୍ତ ଗଭୀର ଭାବେ ପରିଲିକ୍ଷିତ ହୋଇଥାଏ I ସ୍ପର୍ଦ୍ଧା, ବିନୟ, ସାହସ ଓ ସହିଷ୍ଣୁତାର ସ୍ୱର ତାଙ୍କ କବିତାକୁ ପ୍ରାଣସ୍ପର୍ଶୀ କରାଇଥାଏ I ଭାଷାର ଅଭିଜ୍ଞାନ ସହ ଏକାତ୍ମ ହେବା, ଭାଷାର ନୂତନ ଅଭିଜ୍ଞତାକୁ ସୃଷ୍ଟି କରିବା ଦ୍ୱାରା ତାଙ୍କ କବିତା ନମନୀୟ, ଜୀବିତ, ଓ ଆନନ୍ଦମୟ ରୂପେ ପ୍ରତୀତ ହୋଇଥାଏ I କବି ଡକ୍ଟର ପ୍ରତିଭା ଶତପଥୀଙ୍କ କବିତା ସଂକଳନମାନଙ୍କରୁ ଚୟନ କରାଯାଇଥିବା ଏହି ହୃଦୟସ୍ପର୍ଶୀ କବିତାଗୁଡ଼ିକର ସମାହାର “କବିତା କଳ୍ପ” I