Chandramalli (Odia)

Description

ପ୍ରଥିତଯଶା ଗଦ୍ୟ ଶିଳ୍ପୀ ଡ.ବାସନ୍ତୀ ମହାନ୍ତିଙ୍କ ଲେଖନୀ ମୁନରେ ଗଦ୍ୟ ଯେପରି ପ୍ରଜ୍ଞା ପ୍ରତିଭାରେ ଶାଣିତ ଓ ବୁଦ୍ଧିଦୀପ୍ତ, କବିତା ଗୁଡ଼ିକ ସେହିପରି କାନ୍ତ କୋମଳ ଓ ଛଳ ଛଳ ଆବେଗରେ ଅଭିଷିକ୍ତ । ଗଳ୍ପ, କବିତା, ଉପନ୍ୟାସ, ପ୍ରବନ୍ଧ, ସାହିତ୍ୟ ସମାଲୋଚନା, ଇତିହାସ, ଜୀବନୀ ଆଦି ତିରିଶ ଖଣ୍ଡ ପୁସ୍ତକର ସ୍ରଷ୍ଟା ଡ. ମହାନ୍ତିଙ୍କର ‘ଚନ୍ଦ୍ରମଲ୍ଲୀ’ ପ୍ରଥମ କବିତା ସଂକଳନ। ବିଭିନ୍ନ ସାମାଜିକ ସମସ୍ୟାକୁ ଅନ୍ତର୍ଗର୍ଭିତ କରିଥିବା ଏହି ସଂକଳନଟି ପଚାଶଟି ଛୋଟ ଛୋଟ କବିତାର ସମାହାର । ଏହାର ପରସ୍ପର ଅନ୍ତଃସଂଯୋଗ ଓ ଏକମୁଖୀନତା ପୁସ୍ତକଟିକୁ ଏକ କାବ୍ୟର ମର୍ଯ୍ୟାଦା ପ୍ରଦାନ କରିଛି । ଡ଼. ମହାନ୍ତିଙ୍କର ଅନ୍ୟାନ୍ୟ ପୁସ୍ତକ ପରି ‘ଚନ୍ଦ୍ରମଲ୍ଲୀ’ ମଧ୍ୟ ପାଠକୀୟ ଆଦୃତି ଲାଭ କରିବ ବୋଲି ଆଶା ।